簡易對水

 點解要對水? 因為你個魚缸既水質絕不可能同魚店既一樣, 包括 1)水溫 2)ph 3)水軟硬度, 所以絕對要用一個溫和既步驟去令條魚適應!

 對水程序 - 對溫度
先沖沖個魚袋, 再將佢原個放入個魚缸裡面, 用大既15mins去令袋內外既水溫一致.
如果盞燈太光, 我建議先關燈, 因為水面是最貼近盞燈的, 太光會令新魚緊張.

 對水程序 - 2
剪開袋口, 固定好不會令袋中水流出(如袋中水太多, 請倒掉一點)

 對水程序 - 3
每5分鐘加入小量原缸水, 直至加入的原缸水份量 = 袋中水份量, 如果你條魚價值連成, 我強烈建議將以上步驟重複or加長數次.
對水完畢就可以放魚, 但絕對唔係就咁成包倒落魚缸, 因為你永遠唔知魚店的水有咩問題!(殘藥? 菌? 其他物質?), 所以請用魚網在倒走d水時接住條魚, 再俾條魚輕輕自行游出(並唔係發佢出來!)

其他重點
1) 如果係混養缸, 可以在放魚後關燈, 以免舊魚對新魚太好奇, 而令新魚在適應新地方時同時面對其他壓力
2) 如果係大型魚or水質要求特別的魚, 可以將對水步驟係另一水箱/水桶到做, 而加水方法可用扎結的幼氣喉使用虹吸原理去完成

刺鰍 - 初探

噴火龍 Mastacembelus erythrotaenia
(圖片來源: http://forums.waterwolves.com/index.php?showtopic=119233&pid=1214974&st=60&#entry1214974)

 梅花龍 Mastacembelus pancalus
(圖片來源: http://aqua-fisher.narod.ru/Vid/CHARACID/PERCIFORMES/MASTACEMBELOIDEI.html)

(我的刺鰍缸, 右上: 環帶吻棘鰍 Mastacembelus circumcinctus , 右下: 星點梅花龍 Macrognathus siamensis, 左: 不明)
 
市面上不時會出現一些特別的魚類, 這些魚類對於不甘平凡的魚友擁有無可抗拒的吸引力.
而我也很鍾情這些特別的魚類, 而刺鰍便是當中的一群.
市面上的刺鰍並沒有受到特別的優待, 最常發現的地方竟然是大小水族店門外的 "打袋魚".
這些刺鰍種類不一, 由生長可達75cm的大型種: 噴火龍, 到生長只有15cm的小型種: 梅花龍.
資料上雖然說它們晝伏夜出, 但是其實在熟識環境以後它們也會不害羞地到處竄, 當然好動程度要按魚的性格而定了.
設置上需要注意是否有足夠遮蔽物讓它們四處竄. 而食物方便對乾糧興趣不大, 還是以冰紅虫作主食.
當中更有眼睛退化的穴棲斑節龍, 只可惜在香港未見有售.

你有興趣投入飼養特別魚一族嗎? 個人認為比起養一般熱帶魚更加有趣味呢!

草圖 - 木化石造景《山》之一

經驗豐富的造景高手當然可以在心中繪畫出心水造景, 並真切的呈現出來.
但如果還未到達那超凡入聖的階段,在造景初段以草圖形式來設計是很不錯的.
可以在動手前預先"看到"問題, 從而作出修正. 另一重點是為他人設缸時也可以給主人家預覽.

此乃上篇文章中的木化石造景之正面素描草圖, 還要配合鳥瞰圖才算完整, 鳥瞰圖就留待下次再昨說明.